پیرەوەریا ٨ ی مارس رۆژا جیهانى ئافرەتان
ب هەلکەفتا بیرەوەریا ٨ی مارس رۆژا جیهانی یا ئافرەتان، فەرە لسەر گەلێ کورد هەموو دەمان خەبات وخۆراگریا ئەوان دایک و خویشکێن سەربەرز گو ل درێژیا دیرۆکا مللەتێ مە و لناڤ هەموو شۆرەش و بەرخوەدانا سەرێن خوە لبەر زولم نەهەقیا دوژمنی نەچەماندین پێخەمەت دۆزا رەوا یا گەلێ خوە، دیسان هەر بڤێ هەلکەفتا پیرۆز کو ئافرەتێن کوردستانێ ژی وەکو هەموو ئافرەتێن جیهانێ خوە ل رۆژەکا وەها دە بەختەوەر و سەرفەراز د وەلاتەکی ئازاد دە دبینن ب شانازیەکا مەزن ڤە ئەڤێ رۆژێ ساخ دکەن، لەوا هەموو دەمان ئافرەتا کورد شایستەی گەرمترین و جوانترین پیرۆزباهیانە، هیڤیا پێشەرۆژێن گەش وسەرکەفتنێن بەردەوام ژبۆ سەرجەم ئافرەتێن کوردستانێ دخوازین کو ئەڤرۆ سەرەرای چاڤدێریا مال و خێزانێ وئەوێ ماندیبوونا ئەڤان شێرەژنێن کوردستانێ هەر وەكو پێشمەرگەهێن قەهرەمان د گۆرەپانا خەبات وتێکۆشانێ ژبۆ ئازادیا گەلێ خوە دە کرین وپێخەمەت ئازادیا وەلاتێ خوە قوربانی داین.
سلاڤ ل خۆراگریا ئافرەتا کوردستانی ل هەر جیهەکی وسلاڤێن تایبەت ل خۆراگریا ئافرەتا ئێزدی کو بوویە قوربانیا ئۆل و نەتەوا خوە ل دەمێ هێرشین رێکخراوا تیرۆرستی یا داعشێ بۆ سەر باژێرێ شنگال و بهەزاران دایك وخوشكێن مە بووینە ئێخسیرێن دەستێن وان هۆڤ ونەمەردان.
دووبارە پیرۆزبێ ٨ی مارس رۆژا جیهانی یا ئافرەتان ل سەرجەم ئافرەتێن کوردستانێ وهەر سەرکەفتی وسەربلند بن.
دلڤین خەلەف/
ئەنداما سکرتاریەتا ئێکەتیا ئافرەتێن کوردستانێ
٢٠٢٢/٣/٨ هەولێر
تعليقات
إرسال تعليق